12 жнiўня 2022, Пятніца, 11:00
Сім сім, Хартыя 97!
Рубрыкі

Уварванне ва Украіну абваліла расейскія акцыі і курс рубля

43
Уварванне ва Украіну абваліла расейскія акцыі і курс рубля

(абноўлена) Асноўныя індэксы ўпалі на 10 адсоткаў.

Паказчыкі расейскіх біржаў з раніцы панядзелка рэзка абваліліся. У прыватнасці, індэкс РТС абваліўся да ўзроўняў верасня 2009 года да 1132,36 пункта (мінус 10,7 адсотка), паведамляе «Інтэрфакс».

Рублёвы індэкс ММВБ да 10:55 па маскоўскім часе знізіўся на 9,5 адсотка да 1307,91 пункта, што супастаўна з пачаткам ліпеня мінулага года.

Найбольшыя страты нясуць акцыі «Газпрама», якія ўпалі на 11,5 адсотка з-за масавых распродажаў інвестарамі на фоне эскалацыі палітычнай напружанасці на Украіне. Кошт акцый кампаніі знізіўся на 123,2 рубля, што адпавядае сярэдзіне лета мінулага года.

Таксама знізіўся кошт ВТБ (мінус 9,6 адсотка), «Полюс Золата» (9,2) , «Ашчадбанка» і «Растэлекама» (па восем адсоткаў). У другім «эшалоне» лідзіруюць у падзенні акцыі «Распадскай» (мінус 18,5), «Інтэр РАТ ЕЭС» (18,3), «Рассэт» (16,1), «Мечэла» (15,8) і «ФСК ЕЭС» (15,4).

Даляр узляцеў да 36,5 рублёў (плюс 46,3 капейкі), а бівалютны кошык ЦБ РФ вырас да 42,55 рубля (плюс 50,5 капейкі).

З 11 гадзін раніцы (па маскоўскім часе) Цэнтрабанк павысіў ключавую стаўку з 5,5 адсотка да сямі. «Рашэнне накіравана на прадухіленне ўзнікнення рызык для інфляцыі і фінансавай стабільнасці, звязаных з назіраным ў апошні час падвышаным узроўнем валацільнасці на фінансавых рынках», - патлумачылі сваё рашэнне ў кіраўніцтве рэгулятара.