Аляксандр Няўзораў: Культ «георгіеўскай стужкі» заснавалі Уласаў і Шкуро

Дзіўна бачыць чорна-аранжавую стужачку ў тых, хто называе сябе «антыфашыстамі».

Пра гэта заявіў вядомы расейскі журналіст і публіцыст Аляксандр Няўзораў. Відэа яго выступу выкладзена на сэрвісе YouTube.

Аляксандр Няўзораў нагадвае, што «георгіеўская стужка» на савецкіх узнагародах з'явілася толькі ў 1943 годзе і да канца Другой сусветнай вайны так і не стала папулярнай. З іншага боку, гэты знак актыўна выкарыстоўваўся ў Рускай вызваленчай арміі, якая супрацоўнічала з гітлераўскімі ўладамі.

«Культ георгіеўскай стужкі заснавалі здраднікі Уласаў і Шкуро», - нагадвае журналіст. Ён падкрэсліў, што бачыць яе ў тых, хто сёння называе сябе «антыфашыстамі», дзіўна.

Нагадаем, «георгіеўскую стужку» актыўна выкарыстоўваюць у якасці свайго сімвала прарасейскія баевікі і дыверсанты ва Украіне.