Тэрор ва Украіне аплочаны грашыма, выкрадзенымі з банка ВТБ

Аляксей Навальны раскрыў схему фінансавання баевікоў ва Усходняй Украіне.

Пра гэта ён піша ў сваім блогу.

Па словах Аляксея Навальнага і захопнік Славянска Ігар Гіркін, і кіраўнік сепаратыстаў у Данецку Аляксандр Барадай працавалі ў Расеі на вядомага «прадпрымальніка ў галіне калябюджэтнага бабла» Канстанціна Малафеева.

Шырокаму колу інтэрнэт-публікі ён знаёмы як адзін з заснавальнікаў Лігі Бяспечнага Інтэрнэту - арганізацыі халуёў і мурзілоідаў, якія лабіруюць увядзенне цэнзуры ў інтэрнэце і як магчымы заказчык кампаніі супраць заснавальніка «Вконтакте» Паўла Дурава.

20 лістапада мінулага года ў Малафеева дома прайшлі ператрусы і гэта падавалася як «Пуцін пачаў барацьбу з карупцыяй». А так як справа была звязаная з крадзяжом сродкаў у ВТБ, то ў мяне (як у акцыянера ВТБ, які пастаянна расследуе іх махлярства) бралі бясконцыя каментары на гэтую тэму.

Справа пайшла тады даволі крута: дома ў прэзідэнта «Растэлекама» Аляксандра Праваторава і акцыянера кампаніі Канстанціна Малафеева праходзяць ператрусы ў рамках расследавання крымінальнай справы аб крадзяжы ў банка ВТБ больш за $200 млн. Па дадзеных выдання «Коммерсант», спадар Малафееў узяты пад варту, спадар Праватораў можа быць затрыманы ўвечары.

Многім здавалася, што гэта сапраўды скончыцца антыкарупцыйным выкрыццём.

Тым больш, што ні адзін з разумных назіральнікаў не сумняваўся, што Малафееў (мабыць у змове з самімі ВТБшнікамі) сапраўды выпілаваў з дзяржбанка прыкладна $200 мільёнаў. Гэты эпізод апісаны ў нашым дакладзе аб карупцыі ў ВТБ:

«Ну так вось, як вы, напэўна ўжо здагадаліся, антыкарупцыйным расследаваннем гэта не скончылася, а скончылася падпісаннем міравога пагаднення паміж Малафеевым і дзяржбанкам ВТБ. Вядома пра якое стала (сюрпрыз) тады, калі ўсе гэтыя гіркіны-барадаі рэзка сталі «барацьбітамі з фашыствуючымі бендэраўцамі» - у канцы лютага гэтага года.

І калі судам у Брытаніі, якія ВТБ вёў з Малафеевым, апошні неяк мог супрацьстаяць, то ўжо дзеянням «праваахоўнікаў» - дакладна не. Менавіта таму па ўмовах «міравога пагаднення», паводле «Ведомостей», ёсць пункт «ВТБ адклікае скаргу з МУС».

Што вядома абсурдна: гэта ж не справа прыватнага абвінавачвання пра бойку паміж суседзямі па дачы. У дзяржбанка выкралі $200 мільёнаў, а ён «міравое пагадненне» заключае», - піша Навальны.

Але самае цікавае пачалося ўжо пасля таго, як Алег Кашын напісаў калонку пра гэта і павесіў спасылку на яе ў «Твітэры».

«Вось яна сіла сацсетак, адразу знайшоўся чалавек, які апазнаў голас Малафеева і паказаў на відавочнае (але да гэтага неверагоднае): у вядомым роліку з перахопам размовы Гіркіна-Стралкова той нават звяртаецца да «Канстанціна Валер'евіча».

Так што, з 4:06 вы слухаеце размову былога супрацоўніка (паводле Кашына) Малафеева з самім Малафеевым, арганізатарам расейскай Лігі Бяспечнага Інтэрнэту і выкрадальнікам (паводле ВТБ) двухсот мільёнаў даляраў у дзяржаўнага банка», - піша Навальны.

Ён адзначае, што «выпілаваныя грошы, нягледзячы на ўсю духоўнасць, зрэбнасць і патрыятызм былі выведзеныя зусім не ў Крым або Опціну Пустынь, а ў самы, што ні на ёсць, Лондан»:

«Мараль гэтай гісторыі такая: мы і раней ведалі, што грамадзянская вайна ва Украіне падтрымліваецца за кошт выплаты наяўных грошай некалькім сотням чалавек, але хутчэй меркавалі, што для гэтага выкарыстоўваюцца грошы, скрадзеныя Ахметавым і Януковічам у грамадзян Украіны.

Але рэальнасць яшчэ крыўдней: грамадзянская вайна аплачваецца грашыма, выкрадзенымі з расейскага дзяржбанка праз жулікаватых чарцей, якія спрабуюць увесці цэнзуру ў нашым інтэрнэце», - заключае блогер.