Паўабаронца «Нафтана»: Надакучыла маўчаць - зарплату не атрымліваем пяты месяц

Футбалісты наваполацкага «Нафтана» не атрымліваюць заробак амаль паўгода.

Пра гэта заявіў паўабаронца каманды Валерый Жукоўскі пасля першай у чэмпіянаце паразы (1:3) ад барысаўскага БАТЭ ў інтэрв'ю «Прессболу».

«За хвілін 15 да канца я не думаў, што мы прайграем. Вядома, нам шанцавала - пытанняў няма. Але вязе мацнейшым, вось БАТЭ і перамог. Хаця і мы таксама не падарунак - прыемна, што сабраўся такі згуртаваны калектыў. Проста нам перашкаджаюць некаторыя людзі. Ну, як перашкаджаюць? Па грошах ужо надакучыла маўчаць. Не атрымліваем зарплату пяты месяц. Нас кормяць абяцаннямі - і невядома, што будзе далей. Можа, і гэта паўплывала, што нам не могуць сказаць нічога канкрэтнага. Ідзем, здаецца, нядрэнна ў табліцы. А для Наваполацка так наогул…», - заявіў Валерый Жукоўскі.