Пасля Майдана ўзрушэнні чакаюць Беларусь і Расею

Сённяшнія падзеі ў Абхазіі пацвярджаюць гэта.

Так лічыць украінскі палітолаг Віктар Небажэнка, перадае НР-Украина.

"Я не раз прагназаваў, што не толькі Пуціна чакае Майдан! Пасля падзей ва Украіне і іншыя дзяржавы такія як Расея, Беларусь, Казахстан - непазбежна чакаюць узрушэнні. Выбух у Абхазіі, дзе Пуцін сапраўды гэтак жа груба, як і ў Крыме, улез ва ўнутраныя справы іншай дзяржавы - фактычна першы ўнутраны Майдан для Расеі. Затым такія ж выбухі ахопяць усю Расію", - сказаў эксперт.

Небажэнка лічыць, што пасля таго як Пуцін груба ўмяшаўся ў справы Украіны, Крэмль у выніку атрымае тры ўмоўных "фронты" - украінскі, каўказскі і сірыйскі.

"Пуцін проста робіць усё так груба, што ў адказ атрымлівае выбухі ў Абхазіі, затым выбухне Каўказ... Пасля выбухне сітуацыя ў Карабаху, калі Арменія цалкам запаўзе сюды ў Мытны саюз. Але не будуць вырашаныя эканамічныя праблемы рэгіёну, людзі выйдуць на вуліцу, сітуацыя рэзка абвострыцца", - упэўнены палітолаг.

Небажэнка прагназуе, што ўжо да цяперашняй восені Пуцін можа атрымаць дэстабілізацыю на вялікай тэрыторыі: "Майданамі будзе ахопленая ўся тэрыторыя ад Паволжа і Астрахані да Інгушэціі. І гэта не вынік знешняга ўплыву на Расею, знешняй змовы, а вынік унутранага няўмелага і валюнтарысцкага, непрадуманага падыходу самога Пуціна. Няма чаго было лезці сюды ў Крым".