28 сакавiка 2024, Чацвер, 14:21
Падтрымайце
сайт
Сім сім,
Хартыя 97!
Рубрыкі

Януковіч выдаў Расеі сакрэтную інфармацыю па ўкраінскай арміі

35
Януковіч выдаў Расеі сакрэтную інфармацыю па ўкраінскай арміі

(абноўлена) Януковіч і чыноўнікі СБУ і Мінабароны выдалі Расеі сакрэтную інфармацыю.

Пра гэта заявіў дарадца міністра ўнутраных спраў Антон Герашчанка ў эфіры "5 канала".

"У нас два былых міністра абароны знаходзяцца ў Расеі. Сакрэтаносьбіты, якія здалі цалкам усе расклады па войсках. У нас два былых начальніка СБУ таксама знаходзяцца ў Расеі. Былы начальнік службы знешняй выведкі Рыгор Ільяшоў (муж Алены Лукаш) таксама знаходзіцца ў Расеі, - падкрэсліў ён. - Плюс былы Вярхоўны Галоўнакамандуючы Януковіч таксама ў Расеі. Расеі былі цалкам вядомыя ўсе расклады, увесь матэрыяльны стан украінскіх сіл".

Паводле яго слоў, Украіна была не гатовая да такога роду канфлікту.

"У нас у Данбасе ідзе рэальная вайна, якая стымулюецца Расейскай Федэрацыяй. Яна прапускае сюды ўзброеных баевікоў у парушэнне ўсіх міжнародных нормаў. Гэта так званая гібрыдная вайна, калі Расея не ўводзіць сюды афіцыйныя войскі, але ўводзіць сваіх баевікоў, наймітаў, якія фінансуюцца сям'ёй Януковіча, можа быць і іншымі ўжо расейскімі фондамі. Расея прадае бронетранспарцёры "казакам". Затым гэтыя бронетранспарцёры перасякаюць дзяржаўную мяжу і выкарыстоўваюцца ў вайне з Украінай", - сказаў ён.

Калаж: durdom.in.ua

Напісаць каментар 35

Таксама сачыце за акаўнтамі Charter97.org у сацыяльных сетках