Клічко прыняў прысягу мэра Кіева
1- 5.06.2014, 12:26
- 5,883
Сталіца Украіны атрымала новага кіраўніка горада.
Лідара парламенцкай фракцыі "УДАР" Віталя Клічко пазбавілі паўнамоцтваў народнага дэпутата ў сувязі выбраннем мэра Кіева. За адпаведнае рашэнне ў 10:00 у чацвер прагаласавалі 255 народных дэпутатаў. Пасля гэтага Кіеўская гарадская тэрытарыяльная выбарчая камісія зарэгістравала Клічко мэрам Кіева.
Каля 12:00 Клічко прыняў прысягу мэра Кіева, паведамляюць "Украинские новости".
Гэта адбылося падчас першай сесіі новаабранай Кіеўрады 7-га савета, якую адкрыў старшыня Кіеўскай гарадской тэрытарыяльнай выбарчай камісіі Міхаіл Цярэшчанка.
На пасяджэнне Кіеўрады прыйшлі ўсе 16 членаў камісіі на чале з Цярэшчанкам, дэпутаты Кіеўрады, а таксама выканаўца абавязкаў генеральнага пракурора Алег Махніцкі.
На ім, згодна з рэгламентам, былі абвешчаныя вынікі мясцовых выбараў мэра Кіева і дэпутатаў Кіеўрады.
Нагадаем, 3 чэрвеня Кіеўская гарадская тэрытарыяльная выбарчая камісія прызнала Клічко пераможцам па выніках пазачарговых выбараў мэра Кіева 25 траўня. Згодна з пратаколам, Клічко атрымаў на выбарах 765 020 галасоў (56,7%), гэта значыць больш за палову галасоў выбаршчыкаў, якія ўзялі ўдзел у галасаванні.
