28 сакавiка 2024, Чацвер, 16:35
Падтрымайце
сайт
Сім сім,
Хартыя 97!
Рубрыкі

Магілёўскага актывіста ўночы забралі ў РАУС і абшукалі самаход

Магілёўскага актывіста ўночы забралі ў РАУС і абшукалі самаход

У сябра БСДП "Грамада" Ігара Барысава забралі вялікую партыю газэт. Актывісту пагражае штраф да пяцідзесяці базавых адзінак.

Уначы 16 ліпеня асабісты самаход Ігара Барысава, у якім знаходзіліся газэты, спынілі супрацоўнікі ДАІ ў адной з прыгарадных вёсак Магілёва. Кіроўцу паведамілі, што аўто ў вышуку - на ім нібыта ўчыненае хуліганства ў Бялынічах. Самаход адканваявалі ў раённы аддзел міліцыі Магілёва, у якім на Ігара Барысава склалі пратакол апытання і акт канфіскацыі газэт, перадае «Радыё Свабода».

Са слоў Ігара Барысава, забралі партыйны бюлетэнь "Сацыял-дэмакрат", а таксама наклад газэты "Наш Магілёў”. Колькі газэт забрала міліцыя, актывіст пакуль не кажа.

Барысаў звязвае гэта з прэзідэнцкімі выбарамі. Паводле ягоных слоў, міліцыя ўзмацняе кантроль за дзейнасцю актывістаў апазіцыі:

"Калі увага да актывістаў паміж прэзідэнцкімі кампаніямі была нязначнай, кажа ён, то цяпер пачалі больш пільна сачыць за намі. Не выключаю нават таго, што праслухоўваюць тэлефоны".

Напісаць каментар

Таксама сачыце за акаўнтамі Charter97.org у сацыяльных сетках