Марылуіза Бэк прыедзе ў Беларусь

Прадстаўніца Бундэстагу наведае Менск 17-18 ліпеня.

Пра гэта гаворыцца ў паведамленні бюро Марылуізы Бэк, паведамляе «Радыё Свабода».

Дэпутатка Бундэстагу ад Партыі зялёных мае намер атрымаць уяўленне пра цяперашні стан правоў чалавека ў краіне, а таксама пра палітычную сітуацыю ў Беларусі.

Запланаваныя перамовы з праваабарончымі арганізацыямі, сваякамі палітвязняў, прадстаўнікамі апазіцыйных партый і аналітычных цэнтраў, журналістамі, грамадскімі актывістамі і экспэртамі. Акрамя таго, запланаваная сустрэча ў Міністэрстве замежных спраў Рэспублікі Беларусь.

Беларускія ўлады далі Марылуізе Бэк ўязную візу ў краіну ўпершыню за тры апошнія гады.