Беларусь абмяжоўвае ўвоз бульбы з Украіны
25- 2.07.2014, 15:13
- 16,390
Абмежаванні ўведзеныя следам за Расеяй.
Беларусь з 10 ліпеня ўводзіць абмежаванні на ўвоз бульбы з Украіны.
Пра гэта паведамляе «Інтэрфакс» са спасылкай на міністэрства сельскай гаспадаркі і харчавання рэспублікі.
Міністэрства тлумачыць, што бульба, адгружаная да 10 ліпеня 2014 года, падлягае да ўвозу на тэрыторыю Рэспублікі Беларусь толькі пасля вынікаў каранціннага фітасанітарнага кантролю.
Такая пастанова прынятая ў сувязі са зваротам Федэральнай службы ветэрынарнага і фітасанітарнага нагляду Расейскай Федэрацыі і ў адпаведнасці з пагадненнем Мытнага саюза аб каранціне раслін, прынцыпамі міжнароднай канвенцыі аб каранціне і абароне раслін.
З 16 чэрвеня Рассельгаснагляд увёў часовыя абмежаванні на ўвоз бульбы з Украіны ў Расейскую Федэрацыю пасля выяўлення ў ёй залацістай бульбяной нематоды.