Беларусы паехалі святкаваць за мяжу
9- 3.07.2014, 11:37
- 27,893
На памежных пераходах - вялізныя аўтамабільныя чэргі.
Карыстальнік «Фэйсбука» Пеця Слізкі паведамляе пра чаргу ў 176 самаходаў на памежным пераходзе «Катлоўка». Гэта значыць, што час чакання ў чарзе зойме сама менш 7-8 гадзін, перадае карэспандэнт charter97.org.
Таксама паведамляецца аб аналагічных чэргах і на памежным пераходзе «Каменны Лог».
«Чарга на гадзін 6-7 гадзін», - канстатуе Макс Рудэнка ў «Фэйсбуку».
Нават на памежным пераходзе «Беняконі» блізу 100 аўтамабіляў стаяць у чарзе.
«Такога ніколі не было, - піша Таццяна Войшніс, - Шкада, што некаторыя спрабуюць ехаць нахабна, абыходзячы ўсіх тых, хто сумленна стаіць. Але мытня працуе хутка!»
Як паведамляе сайт Памежкамітэта Беларусі, на выездзе з Беларусі ў бок Літвы а 10-й раніцы знаходзіцца агулам 520 легкавікоў.
У Беларусі 4 ліпеня абвешчаны выхадны, і працоўны дзень перанесены на суботу 12 чэрвеня, таму святы расцягнуліся на 4 дні. Шмат якія жыхары сталіцы імкнуцца выехаць з горада, каб унікнуць масавых святкаванняў і параду, што блакуюць нармальнае жыццё ў цэнтры Менска.