28 лютага 2021, Нядзеля, 12:50
Сім сім, Хартыя 97!
Рубрыкі

Грабоўскі ўклаў чатырохгадовы кантракт з «Айлэндэрс»

1
Грабоўскі ўклаў чатырохгадовы кантракт з «Айлэндэрс»

Міхаіл Грабоўскі і Андрэй Касціцын вызначыліся з клубамі, у якіх працягнуць свае кар'еры.

Грабоўскі застанецца ў НХЛ, дзе будзе гуляць за «Нью-Ёрк Айлэндэрз», а Касціцын-старэйшы паставіў подпіс пад пагадненнем са сваім ранейшым клубам КХЛ - чэлябінскім «Трактарам».

Міхаіл Грабоўскі ўклаў чатырохгадовы кантракт з «Айлэндэрс», за 4 гады хакеіст заробіць блізка што 20 млн даляраў. 1 ліпеня беларус хакеіст стаў неабмежавана свабодным агентам ў НХЛ па заканчэнні гадавога кантракту з «Вашынгтон Кэпіталз». СМІ адзначалі, што ў Міхаіла Грабоўскага і «Вашынгтона» ёсць узаемная цікавасць да далейшага супрацоўніцтва, аднак аб хадзе перамоў нічога не было вядома, паведамляе БелТА.

Новы клуб Міхаіла Грабоўскага «Нью-Ёрк Айлэндэрз» выступае ў сталічным дывізіёне Усходняй канферэнцыі НХЛ. Клуб, створаны ў 1972 годзе, чатыры разы здабываў Кубак Стэнлі (апошнім разам у сэзоне 1982/83). Падпісанне Андрэем Касціцыным новага кантракту на год з чэлябінскім «Трактарам» не было чаканым. Раней кіраўніцтва клуба давала зразумець, што не будзе працягваць супрацоўніцтва з беларусам, аднак змяніла сваю пастанову. Агулам за два гады, якія Касціцын гуляе за «Трактар», беларускі форвард згуляў за чэлябінцаў 122 матчы і адзначыўся ў іх 62 (29 +33) бамбардзірскімі баламі, зарабіўшы 124 хвіліны штрафу і паказчык карыснасці «+6».