29 сакавiка 2024, Пятніца, 13:06
Падтрымайце
сайт
Сім сім,
Хартыя 97!
Рубрыкі

Лукашэнка: Жніво сёлета будзе як ніколі вайсковым

69
Лукашэнка: Жніво сёлета будзе як ніколі вайсковым

Дыктатар зноў пагражаў чыноўнікам арыштамі.

Аляксандр Лукашэнка сёння падчас рабочай паездкі ў Бялыніцкі раён запатрабаваў забяспечыць высокую эфектыўнасць падчас жніва, піша БелТА.

"Майце на ўвазе, што ў гэтым годзе жніво будзе як ніколі "вайсковым". Хлеб вырас выдатны, і яго трэба прыбраць да грама", - сказаў ён.

Дыктатар папярэдзіў, што падвышаная ўвага да жніва будзе і з боку кантрольных органаў.

Падчас рабочай паездкі абмяркоўвалася праца і ў іншых накірунках сельскай гаспадаркі. Лукашэнка цікавіўся нарыхтоўкай кармоў, правядзеннем меліярацыйных работ у Магілёўскай вобласці.

Дыктатар таксама нагадаў адказным чыноўнікам аб жорсткім патрабаванні аднаўлення ў Беларусі ранейшых аб'ёмаў гадавання свіней.

Ён падкрэсліў, што адпаведную работу трэба закончыць у першым квартале 2015 года і папярэдзіў аб адказнасці, аж да крымінальнай, калі на свінакомплексах не будуць прынятыя патрэбныя захады для санітарнай абароны.

Віцэ-прэм'ер Міхаіл Русы і губернатар Магілёўскай вобласці Пётр Руднік паведамілі Лукашэнку аб планах развіцця свінагадоўлі ў рэгіёне, у тым ліку аб аб'яднанні і змене формы ўласнасці шэрагу прадпрыемстваў.

Напісаць каментар 69

Таксама сачыце за акаўнтамі Charter97.org у сацыяльных сетках