КДБ спрабаваў падкупіць журналіста кватэрай у Берасці
16- 1.08.2014, 9:51
- 15,879
Берасцейскі журналіст распавёў, што яго спрабавалі завербаваць супрацоўнікі КДБ.
Яўген Скрабец распавёў, што хацеў уладкавацца начальнікам сектара турызму, маркетынгу і замежнай эканамічнай дзейнасці ў аўтапарк №1 ААТ "Брэстаблаўтатранс", перадае "Радыё Свабода". Дырэктар аўтапарка паведаміў яму, што працаўладкаванне залежыць ад размовы з двума людзьмі.
Са слоў Скрабца, яму прапанавалі падпісаць паперу аб добраахвотным супрацоўніцтве з КДБ. За гэта яму абяцалі пасаду і жыллё ў панэльным доме. Узамен хлопец павінен быў прадаўжаць займацца грамадскай дзейнасцю і расказваць кагэбістам аб новых моладзевых рухах, якія могуць з'явіцца ў Берасці, аб украінскіх знаёмых, якія прыязджаюць у Беларусь.
Скрабец адмовіўся супрацоўнічаць са спецслужбамі.