Праезд у Менску падаражэе да Br4 тысяч

У жніўні праезд у грамадскім транспарце Менска падаражэе на Br300.

Пра гэта паведаміла БелТА намесніца генеральнага дырэктара ў эканоміцы дзяржаўнага прадпрыемства «Мінсктранс» Ірына Якубоўская.

У жніўні праезд у грамадскім транспарце падаражэе на Br300 і складзе Br4 тысяч Купля квітка ў кіроўцы будзе каштаваць Br4,5 тысяч.

У прэс-службе «Мінсктрансу» сайту charter97.org паведамілі, што пастановы аб падаражэнні праезду ў Менску ў іх няма, таму дакладная дата падаражэння пакуль невядомая.

Нагадаем, папярэдняе падвышэнне кошту праезду было 1 красавіка 2014 года. Тады праезд падаражэў з Br3 тысяч да Br3,7 тысяч за адну паездку.