Расея гатовая распачаць разгортванне авіябазы ў Баранавічах
67- 11.08.2014, 13:44
- 40,995
«Для гэтага ўсё ёсць», - заяўляюць у вайскова-паветраных сілах РФ.
Пра гэта паведаміў журналістам галоўны камандзір ВПС Віктар Бондараў, які атрымаў ранг генерал-палкоўніка, піша ІТАР-ТАСС.
«Будзем ствараць базу ў Баранавічах, усё для гэтага ёсць, адзінае, што чакаем, - укладання міжурадавага пагаднення. Пасля гэтага прыступім да гэтых мерапрыемстваў у поўным аб'ёме», - сказаў ён.
Галоўнакамандуючы ўдакладніў, што гаворка ідзе аб базаванні знішчальнікаў Су-27.
10 снежня 2013 года экіпажы расейскіх знішчальнікаў Су-27 заступілі на супольнае баявое дзяжурства.
Раней міністр абароны Расеі Сяргей Шайгу, сустракаючыся з Лукашэнкам, заявіў аб планах размясціць у Беларусі ў 2015 годзе расейскую авіябазу, пры гэтым адзначалася, што авіябаза будзе дыслакавацца ў Лідзе (Гарадзенская вобласць).
Планы аб размяшчэнні расейскай авіябазы ў Беларусі выклікалі негатыўны рэзананс у грамадстве.