Беларусь возьме ўдзел у вучэннях КСАР АДКБ у Казахстане

Комплекснае вучэнне пройдзе пад Карагандой з 18 да 22 жніўня.

Падчас вучэння будзе адпрацоўвацца ўжыванне вайсковых кантынгентаў і фармаванне сіл спецыяльнага прызначэння КСАР АДКБ у Цэнтральна-Азіяцкім рэгіёне калектыўнай бяспекі. Пра гэта паведаміў прэс-сакратар арганізацыі Уладзімір Зайнэтдзінаў, піша БелТА.

Агульная колькасць вайсковых кантынгентаў, аператыўных груп і фармаванняў сіл спецыяльнага прызначэння з Арменіі, Беларусі, Казахстана, Кыргызстана, Расеі і Таджыкістана - амаль 3 тысяч чалавек, прыкладна 200 адзінак баявой і спецыяльнай тэхнікі, блізу 30 самалётаў і верталётаў. У іх складзе уключаныя ў КСАР АДКБ вайсковыя падраздзяленні дэсантна-штурмавой брыгады ПДВ Расеі, брыгады аэрамабільных войскаў Рэспублікі Казахстан, мабільнай брыгады са складу сіл спецыяльных аперацый Рэспублікі Беларусь, спецпадраздзяленні ўзброеных сіл Кыргызстана, дэсантна-штурмавая рота з Таджыкістана.

Мэтай комплекснага вучэнні "Узаемадзеянне-2014" кантынгентаў КСАР АДКБ з'яўляецца ўдасканаленне зладжанасці органаў кіравання КСАР АДКБ у падрыхтоўцы баявых дзеянняў і кіраванні войскамі ў тым ліку падчас лакацыі кантынгентаў у рэгіёне арганізацыі ўзаемадзеяння і ўсебаковага забеспячэння.

Асаблівасцямі гэтага вучэння на папярэднім этапе стануць перакідка падраздзяленняў КСАР самалётамі вайскова-транспартнай авіяцыі ў складзе Калектыўных авіяцыйных сіл АДКБ і выкананне практычных задач у пытанні прыкрыцця КСАР АДКБ Адзінай рэгіянальнай сістэмай СПА Казахстана і Расеі. На практычных этапах вучэнні "Узаемадзеянне-2014" упершыню таксама будуць адпрацоўвацца пытанні арганізацыі інфармацыйнага проціборства і псіхалагічнай барацьбы, практычнае выкананне задач па iх выкананню, а таксама забеспячэнне кібербяспекі ўласных інфармацыйных сістэм і праграмна-тэхнічнае ўздзеянне на інфармацыйныя аб'екты праціўніка.

Вучэнне пройдзе ў тры этапы на палігоне Спаск у Карагандзінскай вобласці.