Перад сустрэчай у Менску затрымліваюць актывістаў апазіцыі

Міліцыя праводзіць затрыманні напярэдадні сустрэчы Парашэнкі, Пуціна і кіраўніцтва ЕЗ.

Зміцера Крамянецкага міліцыянты забралі проста з дому. Пра затрыманне ягоная дзяўчына паведаміла праваабаронцы Настасіі Лойцы, перадае «Радыё Свабода».

«Прыйшлі, сказалі «пайшлі» і адвялі», - сказала яна.

Таксама супрацоўнікі міліцыі ламаліся ў кватэру актывіста «Маладога фронту» Рамана Васільева. Пра гэта паведаміў на сваёй старонцы ў сацыяльнай сетцы «Фэйсбук» Мікалай Дземідзенка.

Учора актывіст «Змены» Павел Вінаградаў паводле абвінавачвання ў дробным хуліганстве быў асуджаны на 10 дзён арышту.

На думку праваабаронцаў, затрыманні актывістаў, магчыма, звязаны з сустрэчай лідэраў Украіны і Мытнага саюза, якая адбудзецца ў Менску 26 жніўня.