19 сакавiка 2024, aўторак, 11:12
Падтрымайце
сайт
Сім сім,
Хартыя 97!
Рубрыкі

Дзярждэп ЗША пацвердзіў наступ расейскіх войскаў ва Украіне

51
Дзярждэп ЗША пацвердзіў наступ расейскіх войскаў ва Украіне

Дзяржаўны дэпартамент ЗША пацвярджае актыўнасць рэгулярных войскаў Расеі на ўсходзе Украіны.

Пра гэта, як паведаміла на сваёй старонцы ў сацыяльнай сетцы "Фэйсбук" журналістка Міраслава Гангадзэ, заявіла спікерка Дзярждэпу Джэн Псакі.

"Дзярждэп пацвярджае актыўнасць расейскіх рэгулярных войскаў на Усходзе Украіны. Са слоў спікеркі Дзярждэпу Джэн Псакі, зыходзячы з інфармацыі, расейцы пераходзяць у наўпроставую вайсковую контратаку ва Украіне. Таксама спікерка выказала занепакоенасць тым, што расейцы не кажуць праўду пра свае дзеянні ва Украіне, у тым ліку і ўласным жаўнерам і іх сем'ям", - напісала Міраслава Гангадзэ.

Нагадаем, адразу пасля заканчэння перамоваў у Менску сепаратысты перайшлі ў наступ. Учора стала вядома, што ў накірунку населенага пункта Тэльманава на поўдні Данецкай вобласці рухаецца калона вайсковай тэхнікі ў колькасці да 100 адзінак.

Фота з архіву

Напісаць каментар 51

Таксама сачыце за акаўнтамі Charter97.org у сацыяльных сетках