Каардынатара «Еўрапейскай Беларусі» выклікаюць у міліцыю
1- 6.08.2014, 15:15
- 6,683
Максім Вінярскі атрымаў позву з РУУС Фрунзенскага раёна.
Аб гэтым каардынатар грамадзянскай кампаніі «Еўрапейская Беларусь» паведаміў сайту charter97.org.
Ад Максіма Вінярскага, як вынікае з позвы, патрабуюць з’явіцца ў РУУС Фрунзенскага раёна заўтра, 7 жніўня 2014 года, «у якасці асобы, у дачыненні да якой трэба вынесці афіцыйнае папярэджанне». Дакумент падпісаны старэйшым інспектарам Уладзімірам Чайкоўскім.
Актывіст паведаміў, што не ведае прычыну, паводле якой яму можа быць вынесенае папярэджанне.
Нагадаем, напярэдадні Чэмпіянату свету ў хакеі ў Менску Максім Вінярскі быў арыштаваны і абвясціў сухую галадоўку ў турме.