Валерый Гелетэй: Расея пагражае Украіне прымяненнем ядзернай зброі

Кіраўніцтва Расеі пагражае Украіне прымяненнем тактычнай ядзернай зброі

Пра гэта заявіў міністр абароны Украіны Валерый Гелетэй, пішуць «Украинские новости».

«Я падкрэсліваю тое, што Расея пагражала нам прымяненнем і тактычнай ядзернай зброі», - заявіў ён.

Гелетэй адзначыў, што ў дадзенай сітуацыі Украіна будзе спадзявацца на дапамогу ўзбраеннем ад краін NATO, у першую чаргу ад ЗША і Вялікабрытаніі. У выпадку адсутнасці такой дапамогі Украіна, са словаў міністра абароны, вымушаная будзе вярнуцца да распрацоўкі ўласнай ядзернай зброі.

14 верасні Валерый Гелетэй ужо заяўляў пра пачатак працэсу перадачы Украіне зброі краінамі-сябрамі NATO.

Ён распавёў, што ў пачатку верасня разам з прэзідэнтам Пятром Парашэнкам наведаў саміт NATO. З ягоных слоў, менавіта там ён папрасіў кіраўніцтва Паўночнаатлантычнага альянсу аб дапамозе.