На Наваполацкай ЦЭЦ загінулі двое рабочых

Сёння аб 11 раніцы адбылася аварыя на сілкавальным трубаправодзе падчас правядзення рамонтных прац.

У рэдакцыю сайта charter97.org ад чытача паступіла інфармацыя аб аварыі на Наваполацкай ЦЭЦ са смяротным зыходам.

«Гэта ўжо другая аварыя за паўтара месяца», - таксама адзначыў ён.

Галоўны інжынер Наваполацкай ЦЭЦ Міхаіл Падворны пацвердзіў факт аварыі і падзяліўся з журналістам сайта charter97.org падрабязнасцямі.

«Сёння дзесьці аб 11:20 раніцы адбылася аварыя на сілкавальным трубаправодзе Наваполацкай ЦЭЦ у раёне правядзення работ для замены засаўкі, што выконвала арганізацыя, адбыўся выкід паравадзяной сумесі, меркавана з сілкавальнага трубаправода, які працуе з параметрамі з тэмпературай блізу 196-197˚С . У выніку гэтага адбылося рэзкае зніжэнне ціску сілкавальнай вады ў трубаправодах, што прывяло да прыпынення механізму, паколькі спынілася падача вады.

На месцы правядзення работ знаходзілася брыгада арганізацыі і двое рабочых былі смяротна траўмаваныя. Паводле інфармацыі на гэты момант, загінулі зваршчык 1980 года нараджэння і слесар пятага разраду. Дакладных звестак пакуль няма. Цяпер тут працуе камісія, і па выніках яе працы будзе вызначаная прычына гэтай трагедыі і пасля гэтага будзе дадзеная дадатковая інфармацыя», - паведаміў ён.

Фота: novopolotsk.by