Расея адправіла ў Данбас чарговую брыгаду вайскоўцаў тэрміновай службы

Ва Украіну накіраваная 138-я мотастралковая брыгада Заходняй вайсковай акругі.

Паводле інфармацыі расейскага актывіста ўдзельніка групы «Мы вместе» Альберта Лібермана, ва Украіну накіраваная 138-я мотастралковая брыгада Заходняй вайсковай акругі, піша obozrevatel.com.

Актывіст адзначае, што «блізу 70% брыгады навабранцы тэрміновай службы і на конт іх адпраўкі трэба неяк «намякнуць» іх мамам ў Піцеры».

«Гэтая брыгада летам добра «атрымала» ва Украіне. Цяпер блізу 70% брыгады навабранцы тэрміновай службы. Мы ведаем дзе яна, ведаем як ідзе. Даём 2 дні каб адумаліся. Калі б не тэрміновая служба - не давалі б», - піша Ліберман ў «Фэйсбуку» .

Як піша блогер-даследчык Іраклій Камахідзе на сваёй старонцы ў «Фэйсбуку», падраздзялення 138-й ОМСБР ў складзе растоўскай групоўкі Сіл уварвання выяўлена яшчэ ўвосень 2014 года, у прыватнасці было ідэнтыфікавана артылерыйскае падраздзяленне са складу названага злучэння.

«Крыху пазней у Растоўскай вобласці былі зафіксаваныя мотастралкі і разведчыкі гэтай жа брыгады. У канцы снежня 2014 года ў зводным падраздзяленні 138-й брыгады, якое знаходзіцца ў т.зв. «растоўскай камандзіроўцы», была праведзеная частковая ратацыя асабістага складу і тэхнікі», - адзначае Камахідзе.

Фота: mk.ru