ЕЗ: Беларусі патрэбна правесці работу ў паляпшэнні сістэмы правядзення выбараў

Беларусі трэба выканаць рэкамендацыі АБСЕ ў паляпшэнні выбарчага заканадаўства.

Еўразвяз уважліва назіраў за ходам ўсёй выбарчай кампаніі ў Беларусі і адзначае, што дзень галасавання прайшоў «у спакойнай абстаноўцы», гаворыцца ў сумеснай заяве вярхоўнай прадстаўніцы ЕЗ у замежнай палітыцы і палітыцы бяспекі Федэрыка Магерыні і еўракамісара ў пытаннях пашырэння і палітыцы добрасуседства Ёханэса Хана. Тэкст заявы распаўсюдзіла прадстаўніцтва ЕЗ у Беларусі, піша БелаПАН.

«Важна, што дзень галасавання быў праведзены ў спакойнай абстаноўцы, - сказана ў заяве. - Мы прымаем да ўвагі папярэднія заключэнні і высновы місіі БДІПЧ АБСЕ ў назіранні за прэзідэнцкімі выбарамі ў Беларусі. Згодна з місіяй, Беларусі яшчэ трэба будзе прайсці значны шлях, каб выканаць абавязанні, узятыя на сябе ў рамках АБСЕ, у правядзенні дэмакратычных выбараў».

У заяве падкрэсліваецца, што Беларусі трэба правесці працу ў «паляпшэнні сістэмы правядзення выбараў, асабліва ў дачыненні да збалансаванасці выбарчай адміністрацыі і працэдур, якія выкарыстоўваюцца ў дзень галасавання».

«Напярэдадні парламенцкіх выбараў 2016 уладам краіны варта выканаць гэтыя рэкамендацыі. Мы гатовыя дапамагчы Беларусі ў яе намаганнях у прывядзенні выбарчых працэдур у адпаведнасць з абавязаннямі ў рамках АБСЕ і іншымі стандартамі дэмакратычных выбараў», - гаворыцца ў заяве.