У Магілёве назіральнікі налічылі менш прагаласаваўшых, чым участковыя камісіі
2- 13.10.2015, 18:16
- 33,892
Незалежныя назіральнікі ў Магілёве заяўляюць аб вялікай разбежцы ў падліках тых, хто прагаласаваў, з лічбамі ўчастковых камісій.
Тым часам ва ўчастковых камісіях сцвярджаюць: прэтэнзій да іх працы з боку назіральнікаў няма, піша БелаПАН.
Каардынатар кампаніі назірання "Права выбару - 2015" у Магілёўскай вобласці Алег Аксёнаў заяўляе: незалежныя назіральнікі падалі больш за сотню скаргаў на факты парушэнняў участковымі камісіямі выбарчага заканадаўства. Са слоў актывіста, розніца ў падліках паміж звесткамі назіральнікаў і ўчастковых камісій складае ад некалькіх дзясяткаў да некалькіх соцень.