Францыя нанесла другі авіяўдар па пазіцыях ІДІЛ у Сірыі

ВПС Францыі нанеслі авіяўдары па трэніровачным лагеры баевікоў «Ісламскай дзяржавы» ў Сірыі ў ноч на пятніцу, 9 кастрычніка.

Пра гэта заявіў у эфіры радыёстанцыі Europe 1 французскі міністр абароны Жан-Іў Ле Дрыан, паведамляе Lenta.ru са спасылкай на Reuters.

«Францыя атакавала пазіцыі баевікоў «Ісламскай дзяржавы» ў горадзе Рака. Гэта ўжо не першая і далёка не апошняя наша аперацыя. «Рафалі» скінулі бомбы на лагер баявікоў. Пастаўленая задача выкананая», - прыводзіць агенцтва словы кіраўніка абароннай установы.

Першую бамбёжку пазіцыяў экстрэмістаў у Сірыі французскія ВПС ажыццявілі 30 верасня. Тады загінулі 30 баевікоў, уключаючы 12 дзяцей з руху «Дзеці халіфата», паведамляе Kashmir Reader. Раней Францыя атакавала з паветра ісламістаў толькі на тэрыторыі Ірака.

Расейская авіяцыя ў ноч на чацвер здзейсніла 22 баявыя вылеты, нанесла ўдары па 27 аб'ектах тэрарыстаў у Сірыі.

Нагадаем, раней сірыйскае арабскае інфармацыйнае агенцтва SANA паведаміла, што сумеснымі дзеяннямі паветрана-касмічных сіл Расейскай Федэрацыі і ваенна-паветраных сіл Сірыі ў чацвер, 8 кастрычніка, знішчаныя сотні баявікоў.