Fitch прагназуе Расеі глыбокую рэцэсію
1- 17.03.2015, 21:12
- 12,130
Паводле ацэнак агенцтва, сёлета УБП Расеі скароціцца на 4,5%, у 2016 годзе на 1%.
Міжнароднае рэйтынгавае агенцтва Fitch Ratings прагназуе глыбокую рэцэсію ў Расеі, паведамляе ZN.ua.
Fitch змяніла ў бок паніжэння прагноз росту УБП у свеце ў гэтым годзе. Раней гэты паказчык чакаўся на ўзроўні 2,9%, цяпер Fitch прагназуе 2,7%.
Як гаворыцца ў штоквартальным Міжнародным эканамічным прагнозе агенцтва, прагноз росту УБП на 2016 год пакінуты без змен - на ўзроўні 3%. Павелічэнне тэмпаў эканамічнага росту сёлета будзе адбывацца за кошт аднаўлення найвялікшых развітых эканомік - ЗША, еўразоны ды Японіі.
Аднак эканамічны ўздым у развітых краінах будзе запавольвацца на фоне рэцэсіі ў Расеі і Бразіліі, а таксама праз структурныя змены кітайскай эканомікі.
Акрамя гэтага, Fitch пакінула без змен прагнозы росту УБП ЗША на гэты і наступны год на ўзроўні 3,1% і 3% адпаведна. Умацаванне даляра ЗША зробіць стрымальны ўплыў на амэрыканскі экспарт, удакладняецца ў аглядзе.
У сваю чаргу, прагноз росту УБП еўразоны на гэты год падвышаны на 0,3 пункта, да 1,4%, на наступны год - на 0,2 пункта, да 1,7%. Летась эканоміка еўразоны вырасла на 0,9%.
"Падзенне кошту нафты, пачатак Еўрапейскім цэнтральным банкам (ЕЦБ) праграмы колькаснага змякчэння, паслабленне еўрапейскай валюты робяць станоўчы ўплыў на эканамічны ўздым еўразоны", - адзначаецца ў дакумэнце.
Паведамлялася, што Fitch панізіла доўгатэрміновыя рэйтынгі дэфолту эмітэнта (РДЭ) у замежнай і нацыянальнай валютах энэргахолдынга ДПЭК Рыната Ахметава адразу на два ўзроўні, з "ССС" (магчымы дэфолт) да "С" (дэфолт неўнікнёны).
Зніжэнне рэйтынгу абумоўлена пагражальнай рызыкай дэфолту кампаніі ў сувязі са слабым узроўнем яе ліквіднасці, тлумачыцца ў прэс-рэлізе Fitch.
Фота: Shutterstock