Японская авіякампанія расфарбавала самалёт у колеры робата з «Зорных войнаў»

Першыя мiжнародныя палёты ANA Star Wars выканаюць увосень 2015 года.

Самалёт, які імітуе вонкавы выгляд робата R2-D2 з кінасагі «Зорныя войны», увойдзе ў склад флоту японскай авіякампаніі All Nippon Airways (ANA). Пра гэта паведамляе Lenta.ru са спасылкай на Chanel NewsAsia.

Першыя мiжнародныя палёты Boeing-787 Dreamliner, які атрымаў назву ANA Star Wars, зробіць увосень 2015 года. У якія менавіта гарады будзе лятаць самалёт, невядома.

На заднюю частку фюзеляжа лайнера нанясуць надпіс Star Wars, выкананы шрыфтам, які выкарыстоўваўся ў фільмах.

ANA Star Wars стане першым самалётам, прысвечаным героям серыі Джорджа Лукаса, які эксплуатуецца ў камерцыйных мэтах. Адзначаецца, што пастанова афарбаваць авіялайнер у спецыфічную расфарбоўку была прынятая ў рамках супрацоўніцтва All Nippon Airways і кампаніі Walt Disney, якое будзе доўжыцца да 2020 года.

Падрабязную інфармацыю аб ANA Star Wars авіякампанія размяшчае на спецыяльна створаным сайце.

All Nippon Airways з'яўляецца другой памерам авіякампаніяй Японіі. Выконвае рэйсы з 49 аэрапортаў краіны ў 22 замежныя аэрапорты. Памер флоту складае 71 паветраныя судны.