Беларускі ідэолаг: Нацыянальная ідэя? Прафесары яшчэ не прыдумалі, што я магу сказаць?

У Беларусі - 10 тысяч ідэолагаў. Ці могуць яны сфармуляваць беларускую нацыянальную ідэю?

Адказ на гэтае пытанне паспрабавала знайсці журналістка «Белорусских новостей» Адар'я Гуштын. Яна спытала ідэолагаў аб тым, якая ў Беларусі нацыянальная ідэя.

Намеснік дырэктара ідэалагічнай працы ААТ «Менскія тэлевізійныя інфармацыйныя сеткі» Павел Багравец:

«Шукаем. Спатрэбіцца час, каб усвядоміць сваю мэту. Майсей 40 гадоў вадзіў габрэяў па пустыні... Галоўнае - захаваць упэўненасць у заўтрашнім дні».

Намеснік начальніка аддзела галоўнага ўпраўлення ідэалагічнай працы, культуры і спраў моладзі Магілёўскага аблвыканкама Алег Карапаў:

«У мяне няма магчымасці паразважаць на гэтую тэму, я не адзін у кабінеце. І потым, вы тэлефануеце з такім пытаннем простаму спецыялісту. Патэлефануйце начальніку аддзела. Яшчэ прафесары не сфармулявалі ідэю, што я магу сказаць!»

Намеснік старшыні ідэалогіі СВК «Азяранскі» Валянцін Гукала:

«Нацыянальная ідэя ў асноўным сфармаваная, таму што наша дзяржава добра развіваецца. Нашы прыярытэты - гэта свабода і незалежнасць, каб Беларусь асобна пражывала на прасторах Сусвету. Задача ідэолага - тлумачыць людзям палітыку дзяржавы».

Начальнік аддзела ідэалагічнай работы, культуры і спраў моладзі Бабруйскага райвыканкама Галіна Чарнова:

«Я не магу праз тэлефон адказаць на такое пытанне. Прыязджайце да нас у Бабруйск, праз тэлефон мы з журналістамі не працуем. І наогул, адкуль я ведаю, што вы журналіст? Адкуль вы ведаеце, што я начальнік аддзела?»

Намеснік гендырэктара ідэалагічнай працы ААТ «Барысаўдрэў» Наталля Злобіч:

«Я не даю такую інфармацыю праз тэлефон».

Начальнік аддзела ідэалагічнай работы, культуры і спраў моладзі Гомельскага гарвыканкама Таццяна Кручко:

«Вам лепш пагаварыць з удзельнікамі форуму ідэалагічных работнікаў, мяне там не было, таму баюся, я не ў курсе пытанняў, якія там абмяркоўваліся. Нацыянальная ідэя? Вы ведаеце, я на працы, у мяне хутка нарада, не магу гаварыць».

У еўрапейскіх краінах ідэолагаў няма, але ў буйных міністэрствах і пры ўрадзе працуюць камісіі этыкі.

«У краінах Еўразвязу існуюць кодэксы этыкі для чыноўнікаў, дзе прапісаны нормы паводзін, у тым ліку метады процідзеяння карупцыі, - кажа кіраўнік праекта «Кошт Урада» Уладзімір Кавалкін. - Ідэолагаў у тым выглядзе, як у Беларусі, там няма, і не можа быць, паколькі ў Еўропе шматпартыйная сістэма».

Беларускія ідэолагі, на думку экспэрта, сёння выконваюць надуманыя функцыі: «Як правіла, на супрацоўнікаў, якія адказваюць за сацыяльныя пытанні і кадры, зверху наважваюць ідэалогію. У гэтым выпадку наўрад ці можна казаць пра эфектыўнасць».