Пра падаткі і пазыкі

Што адбываецца з нашымі грашыма, калі мы плацім падаткі, цяпер можна даведацца ўсяго за дзве хвіліны.

Праект «Кошт Урада» зняў кароткі, але інфарматыўны мультфільм для звычайных падаткаплацельшчыкаў, у якіх няма спецыяльных ведаў у эканоміцы або бюджэтаванню, але ёсць гарачае жаданне разабрацца, як дзяржава распараджаецца іх грашыма, піша «Заўтра тваёй краіны».

- Нам падалося, што кароткі відэаролік - адзін з самых простых і эфектыўных спосабаў данесці інфармацыю да простага чалавека, - кажа кіраўнік праекта «Кошт Урада» Уладзімір Кавалкін. - Мы рэгулярна праводзім прэзентацыі для людзей з розных сацыяльных груп на тэму падаткаў і бюджэту - гэта частка нашага праекта. Ролік могуць паглядзець і тыя, хто не змог узяць ўдзел у нашых прэзентацыях. Прычым, у любы зручны для сябе момант.

Ведаючы, якія рэсурсы знаходзяцца ў распараджэнні дзяржавы, можна лепш разумець пастановы ўрада і ацэньваць, як яны ўплываюць на сучаснасць і будучыню краіны. Напрыклад, што пазык у Беларусі цяпер назапасілася столькі, што кожнаму беларусу давядзецца працаваць цэлы год, каб іх аддаць.

- Калі грамадзяне будуць добра разумець, што сродкі ў бюджэце з'яўляюцца з укладаў кожнага з нас, яны лепш ўсведамляюць сваю асабістую адказнасць. А разумеючы, на што і як гэтыя сродкі трацяцца - будуць не толькі больш шанаваць паслугі, якія аказваюцца дзяржавай, але і дамагацца высокай якасці і эфектыўнасці гэтых паслуг, - спадзяецца Уладзімір Кавалкін.