Расейскія турысты ў Турцыі выдаюць сябе за беларусаў
102- 27.09.2015, 11:17
- 38,153
Некаторым расейцам сорамна прызнавацца ў тым, адкуль яны прыехалі.
Аб гэтым піша Севярын Квяткоўскі на сваёй старонцы ў сацыяльнай сетцы «Фэйсбук». Журналіст падзяліўся гісторыяй, расказанай знаёмаму бізнэсоўцу кліенткай, якая разам са сваімі дзецьмі ездзіла на адпачынак у Турцыю. Яна перадала размову паміж дзецьмі.
- Вы адкуль?
- З Менска.
- Праўда з Менска, ці проста так кажаце?
- Так праўда! Вуліца вось такая.
- А мы з Расеі. Але нам бабуля сказала казаць, што мы з Менска.
Нагадаем, расейскія турысты вядомыя сваімі спецыфічнымі паводзінамі на курортах, што паўплывала на стаўленне да іх. Пасля акупацыі Крыма і ўварвання на Данбас рэпутацыя Расеі ў свеце стала яшчэ горшай. Некаторыя гатэлі і рэстарацыі ў Еўропе і Азіі адмовіліся абслугоўваць турыстаў з гэтай краіны.