20 кастрычнiка 2019, Нядзеля, 2:33
Мы ў адной лодцы
Рубрыкі

Пастанова аб сачэнні за беларусамі ў інтэрнэце ўвайшла ў дзеянне

14
Пастанова аб сачэнні за беларусамі ў інтэрнэце ўвайшла ў дзеянне
ФОТА: RIA NEWS РУСЛАН Крывабок

Беларускія аператары сувязі, якія даюць доступ у сетку інтэрнэт, павінны захоўваць усю інфармацыю аб дзеяннях сваіх кліентаў у сетцы.

Пастанова Мінсувязі №6, прынятая яшчэ ў лютым 2015 года, уваходзіць у дзеянне з 1 студзеня 2016 года, піша АФН.

Акрамя тэхнічнай інфармацыі і звестак аб дамоўных стасунках, аператары сувязі абавязаны захоўваць звесткі аб усіх паслугах электрасувязі, актываваных карыстальнікам інтэрнэт-паслуг, а таксама дату, час пачатку і заканчэння злучэнняў, унутраны і знешні IP-адрасы і парты канцавой абаненцкай прылады (тэрмінала), даменнае імя або IP-адрас і порт наведанага карыстальнікам інтэрнэт-паслуг інтэрнэт-рэсурсу, аб'ём перададзеных і прынятых звестак.

Звесткі аб наведаных карыстальнікам інфармацыйных рэсурсах будуць захоўвацца цягам аднаго года.