Стыхійны мітынг у Воршы: Прадпрымальнікі патрабуюць скасавання ўказу №222
8- 6.01.2016, 12:07
- 16,941
Дзесяткі прадпрымальнікаў выйшлі на акцыю пратэсту на Цэнтральным рынку ў Воршы.
Пратэстоўцы трымалі плакаты «Працу прадпрымальнікам» і «Скасаваць указ №222».
У сваёй заяве прадпрымальнікі падкрэслілі: «Мы паказваем ўсім, што мы не ў «адпачынках», а патрабуем скасаваць указ №222. Паглядзіце, колькі людзей сабралася!»
Відэа са стыхійнага мітынгу ІП у Оршы апублікаваў у Facebook лідар рэспубліканскага грамадскага аб'яднання «Перспектыва» Анатоль Шумчанка, паведамляе charter97.org.
Предприниматели Орши ответили заместителю министра торговли Карповичу на его лживое высказывание о "новогодних рождественских каникулах ИП". Внимание, видео!!!!!!
Опубликовано Анатолием Шумченко 5 января 2016 г.
«Прадпрымальнікі Воршы адказалі намесніку міністра гандлю Карповічу на яго хлуслівае выказванне аб навагодніх калядных вакацыях ІП», - напісаў Анатоль Шумчанка ў каментары да відэа.
Нагадаем, што з 1 студзені 2016 г. беларускія ІП масава спынілі гандаль. З гэтай даты, згодна з указам Лукашэнкі №222, прадпрымальнікі не змогуць прадаваць тавары лёгкай прамысловасці, увезеныя з краін Мытнага саюза, без сертыфікатаў. Да 1 студзеня 2016 года ім надавалася права рэалізаваць рэшткі тавараў, увезеных да 1 ліпеня 2014 года ў Беларусь без суправаджальных дакументаў, паводле зарэгістраваных у падатковых органах вопісах рэшткаў.
500 прадпрымальнікаў рынку ў Полацку апоўдні 16 кастрычніка пачалі страйкаваць ў знак пратэсту супраць масавых праверак, якія праводзяць супрацоўнікі падатковай інспекцыі і АБЭЗ. Сустрэча з адміністрацыяй не прынесла вынікаў. У раённай падатковай інспекцыі прадпрымальнікаў папярэдзілі пра тое, што праверкі прадоўжацца. Полацкія ІП не выключаюць новых акцый пратэсту.
З пачатку студзеня 2016 года на пустуючых рынках і ў гандлёвых цэнтрах Беларусі праходзяць стыхійныя мітынгі прадпрымальнікаў.
