Браты Клічко выпрабавалі суперсучасную навінку для бегу
2- 1.10.2016, 13:32
- 6,123
Мэр Кіева Віталь Клічко разам з братам Уладзімірам пратэставалі найбуйнейшую ва Украіне новую бегавую дарожку вакол возера Тэльбін.
Пра гэта гаворыцца ў паведамленні прэс-службы Кіеўскай гарадской дзяржаўнай адміністрацыі, паведамляе charter97.org.
Ранішняя трэніроўка адбылася ў межах падрыхтоўкі да Кіеўскага міжнароднага марафону, які адбудзецца 9 кастрычніка. У трэніроўцы і забегу ўдзельнічалі некалькі сотняў кіяўлянаў.
«Сёння мы адкрываем каля возера Тэльбін першую ва Украіне і самую сучасную бегавую дарожку. Гэта дарожка з гумовым пакрыццём, бегаць па ёй вельмі зручна – невялікая нагрузка на суставы. Аналагаў такой дарожкі ва Украіне няма, гэта галандскія тэхналогіі, даюць гарантыю 5 гадоў», – адзначыў Віталь Клічко.
Кіраўнік горада адзначыў, што тэрыторыю вакол возера Тэльбін некалькі гадоў таму хацелі забудаваць.
«Мы разам з грамадскасцю адстаялі гэтую зону адпачынку, каб ля возера не было ніякіх забудоваў. Уладкавалі тэрыторыю. Прадаўжаем азеляненне», – сказаў мэр.