Facebook і Google пракладуць інтэрнэт-кабель на дне Ціхага акіяна

Кампаніі Facebook і Google аб'ядналіся, каб пракласці на дне Ціхага акіяна інтэрнэт-кабель даўжынёй 12800 км.

Паводле звестак CNN, кампаніі апрацоўваюць велізарную колькасць звестак кожны дзень праз відэа, якое размяшчаюць 1,7 мільярда карыстальнікаў Facebook, і дакументаў, якія захоўваюцца на серверах Google.

Новы ціхаакіянскі кабель пачне функцыянаваць у 2018 годзе. Гэта будзе шосты падводны кабель, у якім Google мае долю, але ў параўнанні з любымі іншымі кабелямі паміж Амерыкай і Азіяй, паводле звестак Google, ён будзе мець найбольшую прапускную здольнасць звестак - 120 тэрабіт у секунду, паведамляе РБК.

Са слоў кіраўніка аддзела сеткавых інфраструктур Google Браена Куіглі, новы кабель дазволіць людзям, якія знаходзяцца ў Ганконгу, праводзіць да 80 млн відэаканферэнцый у высокай якасці з Лос-Анджэлесам.