Грамадзянам ЕЗ дазволяць застацца ў Брытаніі пасля «брэкзіту»
1- 8.10.2016, 16:06
- 23,870
Грамадзяне краін Еўразвязу, якія жывуць у Вялікай Брытаніі, захаваюць права застацца ў краіне.
Пра гэта паведамляе 24tv.ua са спасылкай на The Telegraph.
Як піша выданне, пастанова была прынятая пасля таго, як міністэрства ўнутраных спраў Вялікай Брытаніі высветліла, што большасць мігрантаў з ЕЗ не атрымаецца дэпартаваць.
Як паказала афіцыйнае даследаванне, да пачатку 2019 года права на сталае знаходжанне ў Брытаніі атрымаюць 80% грамадзян ЕЗ, якія жывуць у Злучаным каралеўстве. 600 тысячам людзей, якія застануцца, урад краіны прапануе амністыю і права застацца ў Вялікай Брытаніі, паведамілі выданню некалькі чальцоў кабінета міністраў.