Створаны кампутар, які чытае па вуснах
- 11.11.2016, 11:59
- 9,808
Навукоўцы з Оксфардскага ўніверсітэта стварылі кампутарную праграму, здольную чытаць па вуснах з дакладнасцю да 93,4%.
Распрацоўка заснавана на выніках даследавання, якія паказалі, што людзі па руху вуснаў лепш распазнаюць доўгія словы. Таму замест таго, каб ідэнтыфікаваць кожнае слова па-асобнасці, алгарытм аналізуе цэлыя сказы, а затым выкарыстоўвае метады глыбокага навучання, каб расшыфраваць кожнае слова, піша lenta.ru.
Глыбокае навучанне — разнавіднасць машыннага навучання, якое прадугледжвае выкарыстанне шматузроўневых нейронавых сетак. Нейронавыя сеткі ўяўляюць сабой матэматычныя мадэлі, якія сімулююць працэс навучання чалавека.