Беспрацоўны гарадзенец трымаў цэлы склад боепрыпасаў
12- 23.11.2016, 10:26
- 20,099
Жыхара Горадні затрымалі за незаконныя дзеянні ў дачыненні да агнястрэльнай зброі, боепрыпасаў і выбуховых рэчываў.
Пра гэта паведамілі ў прэс-службе МУС Беларусі.
«Беспрацоўны жыхар Горадні ў вёсцы Пракаповічы Гарадзенскага раёна зладзіў у арандаваным памяшканні на тэрыторыі СВК «Гарадзенскі» склад боепрыпасаў. Праваахоўнікі выявілі і канфіскавалі проціпяхотную і мінамётную міны, 19 гранат, 3 гранатомётныя выстрэлы, 5 выбухоўнікаў, 4 трацілавыя шашкі, 500 г пораху, састаўныя часткі стралковай зброі і 638 патронаў рознага калібру часоў Вялікай Айчыннай вайны», - адзначылі ў МУС.
Распачатая крымінальная справа паводле ч. 2 арт. 295 (незаконныя дзеянні ў дачыненні да агнястрэльнай зброі, боепрыпасаў і выбуховых рэчываў) КК Рэспублікі Беларусь.