У Японіі створаць самы вялікі ў свеце суперкампутар
3- 27.11.2016, 17:40
- 25,020
На распрацоўку кампутара ўжо выдаткавана 173 мільёны даляраў.
Урад Японіі плануе пабудаваць самы хуткі ў свеце суперкампутар. Міністэрства эканомікі, гандлю і прамысловасці краіны ўжо выдала на распрацоўку кампутара 173 мільёны даляраў, піша zn.ua.
Прадукцыйнасць новага кампутара будзе дасягаць паказчыка 130 Петафлопс у параўнанні з 90, якія дэманструе самы магутны суперкампутар на сённяшні дзень. Паводле звестак, ABCI будзе выкарыстоўвацца для даследаванняў у галіне штучнага інтэлекту і нейронавых сетак, а таксама ў аўтамабілебудаванні, робататэхніцы і некаторых галінах медыцыны.