29 сакавiка 2024, Пятніца, 14:33
Падтрымайце
сайт
Сім сім,
Хартыя 97!
Рубрыкі

ТБМ прапануе стварыць беларускія гімназіі ў кожным раёне

7
ТБМ прапануе стварыць беларускія гімназіі ў кожным раёне
Фото: tut.by

Пачаць стварэнне сеткі гімназій з беларускай мовай навучання можна з цэнтральных раёнаў Менскай вобласці.

Грамадскае аб'яднанне «Таварыства беларускай мовы імя Францішка Скарыны» прапануе Міністэрству адукацыі стварыць гімназіі з беларускай мовай навучання ў кожным раёне Беларусі. Зварот на імя міністра адукацыі Міхаіла Жураўкова быў прыняты 27 лістапада на пасяджэнні рады ТБМ, паведамляе БелаПАН.

«Стварэнне гімназій з беларускай мовай навучання ў кожным раёне нашай краіны здыме пытанне аб навучанні дзяцей на беларускай мове ў сувязі з закрыццём малакамплектных школ у вёсках, а таксама падвысіць узровень адукацыі вучняў», - гаворыцца ў звароце.

Як мяркуе у ТБМ, пачаць стварэнне сеткі беларускіх гімназій можна з цэнтральных раёнаў Менскай вобласці, да прыкладу, Стаўбцоўскага, які звязаны з жыццём і дзейнасцю класіка беларускай літаратуры Якуба Коласа, і Нясвіжскага.

Напісаць каментар 7

Таксама сачыце за акаўнтамі Charter97.org у сацыяльных сетках