Беларускіх мужчын адправяць у дэкрэтны адпачынак

Цяпер у Беларусі толькі 1% бацькоў прымаюць пастанову ўзяць дэкрэтны адпачынак замест маці дзіцяці.

Знаходжанне ў адпачынку па догляду за дзіцем могуць зрабіць абавязковым для беларускіх мужчын.

Пра гэта заявіла старшыня праўлення міжнароднай грамадскай арганізацыі «Гендарныя перспектывы» Ірына Альхоўка падчас круглага стала, прысвечанага кампаніі ў прыцягненні ўвагі да гендарнай дыскрымінацыі на рынку працы.

Згодна з беларускім заканадаўствам кожны з бацькоў можа аформіць адпачынак у доглядзе дзіцяці ва ўзросце да трох гадоў. Карыстаюцца гэтым правам у асноўным жанчыны, аднак у апошнія некалькі гадоў, паводле ацэнак экспэртаў, усё больш мужчын выказваюць жаданне сысці ў дэкрэт замест жонкі, піша belaruspartisan.org.

«Ёсць дзяржаўная праграма пра здароўе народанасельніцтва, і ў ёй ёсць падпраект у нацыянальнай шкале дасягнення гендарнай роўнасці. У рамках гэтага праекта сфармуляваная заканадаўчая ініцыятыва: абавязаць мужчын знаходзіцца ў дэкрэтным адпачынку не менш за 20 дзён», - паведаміла Альхоўка.

Яна таксама адзначыла, што Швэцыя, да прыкладу, пачынала з таго, што заканадаўча ўвяла для мужчын такі абавязак, прадпісаўшы пры гэтым, што калі муж адмаўляецца ад дэкрэтнага адпачынку, сям'я атрымлівае меншую дапамогу ад дзяржавы ў сувязі з нараджэннем дзіцяці.

Альхоўка падкрэсліла, што такую заканадаўчую ініцыятыву трэба прапаноўваць, нават калі грамадства да гэтага не зусім гатовае. Паводле яе слоў, гэта стане падставай для мужчын задумацца аб сваёй ролі ў выхаванні дзіцяці.

Цяпер у Беларусі толькі 1% бацькоў прымаюць пастанову ўзяць дэкрэтны адпачынак замест маці дзіцяці.