Марсаход НАСА знайшоў новыя довады жыцця на Чырвонай планеце
3- 16.12.2016, 18:09
- 31,839
Апошнія знаходкі Curiosity даводзяць, што Чырвоная планета магла б быць прыдатнай для жыцця цягам мільёнаў гадоў.
Раскрываючы новыя звесткі пра жыццё на Марсе, марсаход Curiosity выявіў на Чырвонай планеце сляды старажытных азёр і вільготных падземных варункаў, якія змянілі гэтую планету мільярды гадоў таму, піша выданне turbomobi.ru.
Выяўленыя прыкметы на планеце паказваюць, што тут магло б падтрымлівацца жыццё цягам мільёнаў гадоў. Старанна даследаваны марсаходам марсіянскі кратэр Gale Crater, з'яўляецца месцам, дзе многія прыкметы паказваюць на магчымасць заселенага асяроддзя цягам дзясяткаў і нават сотняў мільёнаў гадоў.
Атрыманыя звесткі паказваюць на старажытныя азёры і нават сістэмы падземных вод з цыркуляванай вадкасцю. Гэтыя вадкасці мелі выгляд хімічных утварэнняў мінералаў, якія былі б тыпамі матэрыялаў, пры якіх найпрасцейшыя мікраарганізмы маглі б квітнець.
Марсаход прыбыў на Марс чатыры гады таму, каб вызначыць, ці магла б гэтая планета калі-небудзь мець якія-небудзь інгрэдыенты для жыцця.
Для таго, каб адказаць на гэтае пытанне, былі зробленыя бурэнні ў шматлікіх горных пародах. Апошнім часам даследчыкі Марса адкрываюць для сябе некаторыя цяжкасці ў выглядзе выкарыстання спецыяльнай тэхналогіі свідравання ўпершыню ў такіх цяжкіх варунках. Давялося нават часова спыніць гэтыя касмічныя бурыльныя працы, пакуль інжынеры развязалі праблему з адным са сваіх ключавых буравых інструментаў.
Цяжкасці вывучэння Марса марсаходам Curiosity не паменшылі прывабнасць гэтага касмічнага аб'екта нашай Сонечнай сістэмы — нават прэзідэнт ЗША Барак Абама паабяцаў накіраваць людзей на Чырвоную планету з 2030-х гадоў.