Сто гадоў таму Расея пазбавілася ад Распуціна
9- 30.12.2016, 15:08
- 20,121
30 снежня 1916 года, у Пецярбургу быў забіты фаварыт царскай сям'і Рыгор Яфімавіч Распуцін (Новых).
Забойства арганізавалі і ажыццявілі дэпутат Думы ад правых радыкалаў Уладзімір Пурышкевіч, князь Фелікс Юсупаў, вялікі князь Дзмітрый Паўлавіч, палюбоўнік Юсупава гвардыі паручнік Сяргей Сухоцін і лекар санітарнага цягніка Пурышкевіча Станіслаў Лазаверт. Забойцы спадзяваліся, забіўшы Распуціна, спыніць працэс дыскрэдытацыі манархіі ў вачах народа, пішуць Grani.ru.
Лазаверт паклаў цыяністы калій у пірожныя, якімі хацелі атруціць Распуціна, але яд не падзейнічаў. Тады Юсупаў, Пурышкевіч, Дзмітрый Паўлавіч і, магчыма, Сухоцін застрэлілі Распуціна. Забойства адбылося ў палацы Юсупава.
Цела «старца» спусцілі пад лёд у Малую Неўку, дзе яго неўзабаве выявіла паліцыя. Хоць да Лютаўскай рэвалюцыі следства выявіла ўдзел у забойстве Юсупава, Пурышкевіча і Дзмітрыя Паўлавіча, яны не былі прыцягнутыя да адказнасці.