Зміцер Вайцюшкевіч праспяваў на варшаўскіх курсах «Мова нанова»

На заняткі беларускай мовы ў Варшаве прыходзяць не толькі беларусы, але і ўкраінцы і палякі.

15 лютага ў Беларускім доме ў Варшаве прайшлі другія заняткі курсаў «Мова нанова». На гэты раз удзельнікі размаўлялі пра беларускую культуру імёнаў. На заняткі прыйшло больш за 20 чалавек, сярод якіх былі не толькі беларусы, але і ўкраінцы і палякі, паведамляе charter97.org.

«Цвіком праграмы» стаў выступ вядомага беларускага музыкі Зміцера Вайцюшкевіча. Ён выканаў самыя вядомыя і любімыя беларусамі песні: «Бывайце здаровы», «Я нарадзіўся тут», «Раманс», «На Каляды» і «Жыве Беларусь».

Курсы «Мова нанова» праходзяць кожны тыдзень па аўторках у Беларускім Доме ў Варшаве па адрасе ul. Wiejska, 13/3.