Ва Украіне хочуць перайменаваць Расею ў Масковію
105- 19.02.2016, 11:10
- 34,426
Вярхоўная рада Украіны дала ход законапраектам, згодна з якімі ў краіне прапануецца называць Расею Масковіяй.
Законапраект забараняе выкарыстанне слова «Расея» ў дачыненні да Расейскай Федэрацыі, вынікае з апублікаваных на сайце ўкраінскага парламента звестак, паведамляе charter97.org. Дакумент быў унесены ў парадак дня Рады.
Дакумент прадугледжвае, што «найменне «Русь» або «Расея» з'яўляецца гістарычнай назвай тэрыторыі Украіны. Таму дакумент прапануе забарону «выкарыстання гістарычнай назвы тэрыторыі Украіны ў якасці назвы або сіноніму Расейскай Федэрацыі». Замест слова «Расея» для абазначэння Расейскай Федэрацыі праект патрабуе выкарыстоўваць слова «Масковія».
Сярод іншага дакументам таксама прапануецца ўнесці змены ў шэраг законаў, напрыклад, змены ў законы аб інфармацыйных агенцтвах, аб тэлевізіі і радыёвяшчанні, аб рэкламе і аб геаграфічных назвах.
Ініцыятарамі законапраекта сталі два дэпутаты ад Радыкальнай партыі Алега Ляшка. Дакумент унеслі на разгляд Рады яшчэ ўлетку 2015 года.