20 лiпеня 2019, Субота, 13:31
Мы ў адной лодцы
Рубрыкі

«Сэнатарка» Ганна Шарэйка паўстане перад судом 22 лютага

24
Фота з сайта VISNYK.LUTSK.UA

Судовы працэс будзе адкрытым.

Прызначаная дата пачатку слуханні ў Вярхоўным судзе Беларусі крымінальнай справы ў дачыненні да члена «савета рэспублікі» Ганны Шарэйкі – 22 лютага, паведаміла БелаПАН прэс-сакратарка ВС Юлія Ляскова.

Як паведамлялася раней, у справе Віцебскай бройлернай птушкафабрыкі ў жніўні мінулага года былі змешчаныя пад варту сем чалавек: Ганна Шарэйка, чатыры чальцы конкурснай камісіі і два кампаньёны-прадаўцы.

Крымінальная справа ў дачыненні да шэрагу службовых асоб ААТ "Віцебская бройлерная птушкафабрыка" паводле фактаў злоўжывання імі службовымі паўнамоцтвамі была распачатая Генеральнай пракуратурай у чэрвені 2014 года. Выяўлена, што яны на працягу некалькіх гадоў, быўшы ў складзе конкурснай камісіі, прымалі пастановы аб закупках кармоў і кармавых дадаткаў у замежнай камерцыйнай структуры завышаным коштам, што пацягнула прычыненне птушкафабрыцы шкоды на суму больш за 4 млрд рублёў, што з'яўляецца асабліва вялікай сумай.

Паводле звестак Генпракуратуры, менавіта гендырэктарка давала незаконныя наказы чальцам конкурснай камісіі аб прызнанні пераможцам конкурсу адной з замежных кампаній, з уладальнікам якой знаходзілася ў сяброўскіх стасунках.

У сувязі з тым што Шарэйка з'яўляецца членам "савета рэспублікі", генеральным пракурорам на падставе дзейнага заканадаўства ў вышэйшую палату было накіраванае прадстаўленне аб даванні згоды на ажыццяўленне яе крымінальнага пераследу. Такая згода было атрыманая 14 жніўня, і ў гэты ж дзень Шарэйка была прызнаная падазраванай ва ўчыненні злачынства, прадугледжанага ч.3 арт.424 КК (злоўжыванне службовымі паўнамоцтвамі). З санкцыі Генеральнай пракуратуры 15 жніўня ў дачыненні да Шарэйкі была ўжытая мера стрымання ў выглядзе змяшчэння пад варту.

Выяўлена, што ў выніку незаконных дзеянняў Шарэйка за кароткія тэрміны пабудавала дарагі катэдж плошчай 240 кв мэтраў, набыла дарагую бытавую і электронную тэхніку, забяспечыла сабе матэрыяльны дабрабыт у будучыні, паведамляла амаль паўтары гады таму Генпракуратура.