22 лютага 2019, Пятніца, 12:18
Заклік Рады БНР
Рубрыкі

Беларусбанк закрывае офіс у Польшчы

2
ФОТА: MYFIN.BY

На гэты год найбуйнейшы банк краіны прагназуе павелічэнне запазычанасцяў у крэдытах.

Найбуйнейшы беларускі банк «АСБ Беларусбанк» закрывае сваё прадстаўніцтва ў Польшчы. Пра гэта гаворыцца ў прэс-рэлізе паводле вынікаў пасяджэння назіральнай рады банка.

«На пасяджэнні наглядальнай радай прынятая пастанова аб закрыцці прадстаўніцтва ААТ «АСБ Беларусбанк» у Рэспубліцы Польшча», - гаворыцца ў прэс-рэлізе.

Прадстаўніцтва ў Варшаве было адкрытае ў 1997 годзе.

Прадоўжаць працу офісы «Беларусбанка» ў Кітаі, Нямеччыне і Расеі.

Адным з ключавых на пасяджэнні наглядальнай рады банка пад старшынствам міністра фінансаў Уладзіміра Амарына было пытанне аб удакладненні каштарысу даходаў і расходаў «Беларусбанка» на 2016 год.

«Удакладненні зробленыя з улікам сітуацыі, якая склалася на валютным рынку, прыняцця Нацыянальным банкам пастановы аб змяненні парадку фармавання рэзерваў, а таксама магчымасці пагаршэння якасці крэдытнага партфеля ў гэтым годзе», - сказана ў прэс-рэлізе.