Яўгенія Бурло: Беларусь у ЗША асацыююць з Вікай Азаранкай і з добрымі праграмістамі
64- 10.03.2016, 21:09
- 37,699
Прызёрка чэмпіянатаў свету і Еўропы ў мастацкай гімнастыцы распавяла, як Беларусь успрымаюць у ЗША.
Беларуска Яўгенія Бурло, якая жыве ў Лос-Анджэлесе, распавяла ў інтэрв'ю "Прессболу", што амерыканцы асацыююць Беларусь найперш з Вікторыяй Азаранкай і "праграмістамі".
- Нас тут ведаюць нямногія, чаго ўжо там. З тых, з кім маю стасункі, адсоткаў 15. Краіну пераважна асацыююць з Вікай Азаранкай і з добрымі праграмістамі. Памятаю, неяк уЛас-Вегасе пагутарыла з удзельнікамі Сусветнага кангрэса праграмістаў - здаецца, так называлася гэтае мерапрыемства. І калі сказала, што прыехала з Беларусі, гэтыя хлопцы адрэагавалі вельмі жвава. Маўляў, у вашай краіне працуюць проста выдатныя "праграмісты" - сусветнага ўзроўню. Мне было вельмі прыемна гэта чуць.