Пракурор запатрабаваў 23 гады турмы для Надзеі Саўчанкі
20- 2.03.2016, 15:01
- 31,795
Украінская лётчыца прадаўжае трымаць галадоўку пратэсту.
Дзяржаўнае абвінавачанне РФ папрасіла прысудзіць ўкраінскую лётчыцу Надзею Саўчанку да 23 гадоў пазбаўлення волі. Пра гэта ў сераду, 2 сакавіка, паведаміў карэспандэнт «Дажджу» з залы суда.
Паводле версіі абвінавачвання, Саўчанка сачыла за групай грамадзянскіх асоб, сярод якіх былі журналісты ВГТРК. Гэтую інфармацыю яна перадала ў размяшчэнне батальёна «Айдар». Пасля адбыўся артабстрэл, у якім загінулі расейскія журналісты.
Са словаў адвакатаў, у момант абстрэлу Саўчанка знаходзілася ў палоне і не магла скарэктаваць агонь.
Пасля пракуратуры ў спрэчках старон выступяць адвакаты лётчыцы. Саўчанка прамовіць апошняе слова.
Працэс над ўкраінскай лётчыцай Надзеяй Саўчанкай пачаўся ў верасні 2015 года. Яе абвінавачваюць паводле артыкула «дапамаганне ў забойстве дзвюх і больш асоб».
Напраўду, Надзея Саўчанка, якая служыла ў добраахвотніцкім батальёне «Айдар», была захопленая ў палон прарасейскімі сепаратыстамі ў Луганскай вобласці мінулым летам і перапраўленая ў Расею. Яна знаходзіцца ў расейскім следчым ізалятары з лета 2014 года. У снежні ўкраінка абвясціла галадоўку на знак пратэсту супраць затрымання.
Надзея Саўчанка абраная народным дэпутатам Украіны паводле спісаў партыі «Бацькаўшчына». Таксама яна з'яўляецца дэпутатам ПАРЕ.
Раней паведамлялася, што сёння, 2 лютага, абарона вайскоўца УСУ Надзеі Саўчанкі атрымала вынікі экспэртызы, якая пацвердзіла дачыненне да выкрадання ўкраінкі Паўла Карпава - памочніка крамлёўскага куратара Украіны Уладзіслава Суркова.