Velcom падвышае кошт паслуг
25- 23.03.2016, 14:06
- 34,740
Аператар сотавай сувязі абвясціў пра падвышэнне коштаў з 4-га красавіка.
Аб гэтым паведамляецца на сайце мабільнага аператара.
З чацвёртага красавіка 2016 года будзе зменены кошт паслуг сувязі Velcom на тарыфных планах перадачы звестак, тарыфных планах для юрыдычных асоб, паслуг роўмінгу, а таксама спецыяльных паслуг, якiя надаюцца ў партнёрстве з іншымі арганізацыямі. Пры гэтым змены не закрануць галасавыя тарыфныя планы для фізічных асоб.
Мінімальны інтэрвал тарыфікацыі паслуг перадачы звестак з першага красавіка складзе адзін кілабайт, таксама зменіцца парадак надання паслугі «Статычны публічны IP-адрас» для кліентаў фіксаванай сувязі.
З улікам усіх запланаваных змен рост сярэдняга абаненцкага рахунку ў сегментах, закранутых актыўнасцю, складзе блізу 7%.
З новымі коштамі паслугі сувязі (без ПДВ) можна будзе азнаёміцца на сайце мабільнага аператара, а таксама ўдакладніць праз тэлефоны даведачна-інфармацыйнай службы: для набору з мабільнага тэлефона - 411 (званок у сетцы Velcom бясплатны) і 150 (званок платны) і гарадскі тэлефон (017) 330 30 30.
Раней сайт charter97.org паведамляў пра тое, што з 1 студзеня 2016 года Velcom закрывае старыя тарыфныя планы і пераводзіць абанентаў на новыя.